بہت ملیں گے
وفا کا دے کر کے نام دل کو دکھانے والے بہت ملیں گے
ہنسانے والے گنے چنے پر رلانے والے بہت ملیں گے
قدم بڑھاؤ جو سوئے منزل نہ ساتھ دے گا کوئی تمہارا
تمہیں فلک سے زمیں پہ لیکن گرانے والے بہت ملیں گے
منانے والا اگر ہے کوئی قدر کرو تم خوشی سے اسکی
جہان بھر میں کہیں بھی جاو ستانے والے بہت ملیں گے
وفا کی رہ پر چلو سنبھل کر کہیں دغا ہے کہیں ریا ہے
حسد دلوں میں ہنسی لبوں پر سجانے والے بہت ملیں گے
گلاب دے کر فریب وعدہ کریں گے ہاتھوں پہ ہاتھ رکھ کر
ملے جو موقع لباس تن سے ہٹانے والے بہت ملیں گے
نہیں ملے گا کوئی بھی ایسا جو ظالموں کو اکھاڑ پھینکیں
مگر غریبوں پہ رعب اپنا دکھانے والے بہت ملیں گے
نہیں گوارا ہے نام لینا کسی کو کاظم یہاں پہ میرا
وفا محبت یہ جاں بھی تم پر لٹانے والے بہت ملیں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کاظم شیرازی یوپی انڈیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔
